យើងបានអបអរសាទរ សៀវភៅផកឃីត តាំងពីឆ្នាំ១៨៩៣ មកម្ល៉េះ។ តាមរយៈប្រវត្តិដ៏យូរអង្វែងរបស់យើង ប្រមាណច្រើនជាង 110  លាននៃទំហំ សៀវភៅដំណឹងល្អសញ្ញាផុកឃីតបានចែកចាយដោយសមាជិករបស់យើងដែលស្ថិត នៅគ្រប់ទីកន្លែងទាំងអស់នៅពិភពលោក ។ ខាងក្រោមនេះគឺជាប្រវត្តិសង្វេបដ៏យូរ អង្វែងរបស់សម្ព័ន្ធ។ អ្នកអាចរៀនបានច្រើនបន្ថែមទៀត ដោយនៅក្នុងនោះរួមមាន សមត្ថភាពក្នុងការមើល និងអានអត្ថបទរនៃការលើកទឹកចិត្តពី សំណាក់ប្រធានាធិបតី អាមេរិកជាច្រើនរូបនៅបណ្តាញអនឡាញតែមួយគត់របស់យើង សារមន្ទីរនិម្មិត.

ហេលិន ខេតបឺរី បានថ្វាយ​ជីវិត​របស់​នាង​ដល់ ព្រះយេស៊ូវ​គ្រិស្ទ​នៅពេល​ដែល​នាង​មាន អាយុ ១២ឆ្នាំ។ ក្នុងរយៈ​ពេល​ដ៏ខ្លី​ក្រោយ​មក នាង​បាន​រៀប​ចំមិត្ត​ភក្តិមួយ​ក្រុម ដោយ​បង្កើត​ជាក្លិប ដែល​ពួកគេ អោយ​ឈ្មោះ​ថាសម្ព័ន្ធ​ព្រះគម្ពីរ សញ្ញា​ផុក​ឃីត។

យុវ័យ​​មាន​និមិត្តខ្ពស់

ព័ន្ធកិច្ចនេះ បានចាប់ផ្តើមឡើងនៅឆ្នាំ ១៨៩៣ ដែល ជាទនិមត្តបស់ក្មេងស្រីជំទង់ម្នាក់ឈ្មោះ ហេលិន ខេតបឺរី ជាកូនស្រីរបស់លោកប្រធានាធិបតី ខេតបឺរី ឆូខូឡេត។ នាងពិតជាមានសេចក្តីអំណរខ្លាំង ក្រៃលែងក្នុងការចែក ចាយអំពីសេចក្តីជំនឿរបស់នាង ដែលនាងបានបង្កើត ឡើងជាក្រុមស្ត្រី ដែលដេរហោប៉ៅភ្ជាប់ក្នុងសំលៀកបំពាក់ របស់ពួកគេ ដើម្បីទុកកូនព្រះគម្ពីរ សញ្ញាថ្មី ដែលឪពុករបស់ នាងបាន​អោយ​នាង។ ក្មេងស្រីៗ​ជំទង់ទាំង​នោះ​បានដាក់​ឈ្មោះ អោយ​ក្រុម​របស់​នាងថា " សម្ព័ន្ធ​ព្រះគម្ពីរ​សញ្ញា​ផុកឃីត។" ដោយ​ប្រើប្រាស់​ប័ណ្ណ​សមាជិកតូច​មួយ ដែល​ពួកគេ​បានសន្យា ថានឹង​អានផ្នែក មួយនៃ​ព្រះគម្ពីរ​អធិស្ឋាន​និង​ដើម្បី​ចែករំលែក​សេចក្ដីជំនឿ​របស់​ពួកគេ​ជារៀង​រាល់ថ្ងៃ​តាមដែល​​ព្រះជាម្ចាស់​បាន​ផ្ដល់​ឱកាស។

ដោយ​ការ​បង្ហាញខាង​លើគឺ​ជា ប័ណ្ណ​សមា​ជិក​ដើម​ដែល​បាន​ប្រើ ដោយ ហេលិន ខេតបឺរី និង​មិត្ត​ភក្តិ របស់​នាង​​ជា​​និមិត្ត​រូប​​នៃ​​ការប្តេជ្ញា​​ចិត្ត​របស់ ពួកគេ​ក្នុង​ការអាន,យក​តាម​ខ្លួន​ និង​ផ្សព្វ​ផ្សាយ ព្រះ​បន្ទូល​របស់​​ព្រះអង្គ។

ដោយ​និមិត្ត​ដូចគ្នា​នៅ​តែ​ជំរុញ​ព័ន្ធ​កិច្ចមួយ នេះ​អោយ​មាន​ដំណើរ​ការ​រហូត​ដល់​សព្វថ្ងៃ។ ជាច្រើន​ឆ្នាំកន្លង​មក​ព័ន្ធកិច្ច​មួយនេះ មាន​សេចក្តី​អំណរ​អរ​ដ៏អស្ចារ្យ​ដោយ​ទទួល​ជ័យ ជំនះ​ក្នុង​ការឈោង​ចាប់​មនុស្ស​ថ្វាយ​ដល់ ព្រះយេ​ស៊ូវ​គ្រីស្ទ។

នៅក្នុងឆ្នាំ ១៩០៤ កញ្ញា ហេលិន ខេតបឺរី បាន​រៀបការ​​ជាមួយ​​អ្នកផ្សាយ​​ដំណឹងល្អ ម្នាក់​​ឈ្មោះ​​លោក ឆាលែស អាឡិចស្សានដឺរ ដែល​បានរៀប​ចំសម្ពន្ធ​ផ្លូវការ​ជាមួយ​និង លោក​បណ្ឌិត ជេ វីបឺរ ឆាបមែន នៅក្នុង​ទីក្រុង ហ្វីលឡាដេលហ្វៀ នៅ​ក្នុង​ខែមីនា ឆ្នាំ ១៩០៨ ។អាឡិចស្សានដឺរ (Alexander) បានទំនាក់​ទំនងជាមួយ​ជាមួយ​អ្នក​ផ្សាយ​ដំណឹងល្អ​ដ៏ល្បី​​ល្បាញ​​មួយរូប​គឺលោក ដាយ អ៊ិល មូតឌី។ បទពិសោធន៏​របស់គាត់​នៅ​ក្នុង​ការផ្សាយដំណឹង ល្អទូទាំង​ពិភពលោក​បានផ្ដល់​ជាកម្លាំង​ដ៏ធំធេង​ដល់សម្ព័ន្ធ។

សម្ព័ន្ធ​ព្រះគម្ពីរ​សញ្ញាផុកឃីត បានបើក​ការិយាល័យ​ផ្ទាល់ខ្លួន នៅទីក្រុង ឡុង ក្នុងឆ្នាំ ១៩១៤ ហើយ​សម្ព័ន្ធនេះ​ចាប់ផ្តើម​ចែកចាយ​អំពី​ដំណឹងល្អ ដែល​ជា​ផ្នែកមួយ នៃការ​ផ្សព្វផ្សាយ WWI របស់ខ្លួន។ នៅក្នុង​ខែតុលា​នៃឆ្នាំ​ដដែល​យុទ្ធនា​ការផ្សាយ ដំណឹង​ល្អ​មួយ​បានផ្ដល់ឲ្យ​ចេញ​ព្រះគម្ពីរ​សញ្ញាថ្មី ចំនួន ៤០០,០០០ ក្បាល ដើម្បី​ចែក ចាយ​ដល់​ទាហាន នៅ សាលីប៊័រី ផ្លែន។

ដោយ​ភាពល្បី​ខ្ទរខ្ទារនៃ​សមាជិក​របស់សម្ព័ន្ធ​ព្រះគម្ពីរសញ្ញា​ផុកឃីត បាន​បង្កើត​ឡើង​ជាក្រុមអ្នក​បម្រើព័ន្ធកិច្ច ដើម្បីជួយ​ដល់កម្មករ​នៅក្នុង​រោងចក្រ និង ការិយាល័យ ដោយផ្សព្វផ្សាយ​អំពីដំណឹងល្អ​របស់​ព្រះយេស៊ូវគ្រីស្ទ ជាមួយ​នឹងសហ កម្មកររបស់ខ្លួន ដោយការផ្សាយដំណឹងល្អចេញពីក្នុងទៅក្រៅ និងការរៀបចំពេលវេលា សិក្សា​ព្រះគម្ពីរ។ សូមអាន របាយការណ៍ជាក់ស្តែងចាប់ពីឆ្នាំ១៩២០ នៅក្នុងសារមន្ទីរ​សម្បនិម្មិត​របស់យើង។ ក្នុងសម័យ​កាល​នៃអំឡុង ១៩៣០ ត្រូវបាន​គេស្គាល់ថា មហា​ដាក់សម្ពាធ (Great Depression ) ទៅលើសមាជិករបស់សម្ព័ន្ធដែលបានចែកចាយសៀវ ដំណឹងល្អតាម រយៈទីភ្នាក់ងារ​អភិរក្ស​សង្គមស៊ីវិល (Civilian Conservation Corps) នៅភាគ ខាងត្បូង និងនៅទូទាំង​ប្រទេស​អង់គ្លេសថ្មី។ ទីភ្នាក់ងារ ខប គឺជាកិច្ចខិត​ខំប្រឹង​ប្រែង​រៀប ចំមួយរបស់​រដ្ឋាភិបាល​ដើម្បីផ្តល់​អោយបុរស​ដែលគ្មាន​ការងារធ្វើ​ទៅធ្វើការ​នៅលើ​គម្រោង​ជា​សាធារណៈ។

កំណើន​កើន​ឡើងតាមរយៈឆ្នាំ​នៃសង្គ្រាម

សង្រ្គាមលោក​លើកទី២ បានផ្ទុះ​ឡើងឆ្លង​កាត់ទូទាំង​ទ្វីបអឺរ៉ុប ដោយផល ប៉ះពាល់​របស់​វា​ត្រូវបាន​ចាប់​អារម្មណ៍​ដោយសម្ព័ន្ធ។ កាលពីថ្ងៃទី ២៩ ខែធ្នូឆ្នាំ ១៩៤១ ការិយាល័យ​កណ្ដាល​អន្ដរជាតិ​របស់សម្ព័ន្ធ នៅក្រុង ប៊័រមីងហាំ នៃ​ប្រទេសអង់​គ្លេស​ត្រូវ បានបំផ្លាញ​ដោយ​សារ​ការបំផ្ទុះ​គ្រាប់បែក។ ស្ថិតក្នុង​ស្ថានភាព​សង្គ្រាម​នៅ​ឡើយ ក្រុមសម្ព័ន្ធ​បានទៅ​សួរសុខ​ទុក្ខ​ជំរុំយោធា ដែលបានបោះ​ទីតាំងជុំវិញ​ប្រទេស​សហរដ្ឋ អាមេរិក​ជាមួយ​នឹង​ការ​ចែកចាយ​ពិសេស​របស់​ព្រះគម្ពីរ​សញ្ញាថ្មី។

ចាប់តាំងពីដើមដំបូងមកម្ល៉េះ សម័្ពន្ធបាន​នំា​សេចក្តីពិត​នៃ​ព្រះបន្ទូល​​របស់​ព្រះអង្គ​ទៅ​​ផ្សព្វផ្វាយ​​ដល់​មនុស្ស​​រាប់លាន​​នាក់ ដោយ​​សម្រាប់​រយៈ​​ពេល​ជាង ១០០ឆ្នាំ។

ដោយដឹង​ថាសង្គ្រាម​នឹង​ឈាន​ចូលជិត​ដល់ទីបញ្ចប់​នោះ សម័្ពន្ធ​​​​បានពង្រីក ក្រុមរបស់​ខ្លួនដើម្បី​ឈោង​ចាប់​មនុស្យទៅ ដល់ឯ​ប្រទេសនាយ​សមុទ្រ។ មួយឆ្នាំ​ក្រោយ​មក បន្ទាប់​ពីការបង្កើត​ផែនការ​ដោយ​ប្រុងប្រយ័ត្ន និង ការអធិស្ឋាន នោះនាំ​អោយ​ការផ្សាយ​អត្ថបទ​ព្រះគម្ពី ដោយ​បាន​ចាប់ផ្តើម​បើក​បេសកកម្ម​នៅ​ប្រទេសចិន ដោយ​ប្រើប្រាស់​ជា​ការកែប្រែភាសាចិន​យ៉ាងពិសេស របស់​សៀវភៅ​ព្រះគម្ពីរដំណឹងល្អ​របស់​លោកយ៉ូហាន។ ពីរបីឆ្នាំ​ក្រោយ​មក​សម្ព័ន្ធ​បានចាប់ផ្តើម​ផ្តល់​សៀវភៅ ដំណឹងល្អ និងព្រះគម្ពីរ​សញ្ញាថ្មី នៅកោះ ហ្វូម៉ូសា និងប្រទេស​ជប៉ុន។ អគ្គមេ​បញ្ជាការ ម៉ាក់អាស្ស័របាន សើ្នរ​សុំពីសម្ព័ន្ធ ព្រះគម្ពីរ​ដំណឹងល្អ​នៃ​ព្រះបន្ទូលរ​​បស់ ព្រះអង្គ​ចំនួន ១០លានក្បាល។ សមាជិករបស់សម្ព័ន្ធព្រះគម្ពីរ សញ្ញាផុកឃីត​បានចូល​រួមចំណែក​ក្នុង​ការបោះពុម្ពផ្សាយ សៀវភៅ​ដំណឹងល្អ​ចំនួន ១១លាន​ក្បាល​សម្រាប់​ប្រជាជាតិ ជប៉ុនតាម​រយៈអំណោយ​តំលៃ នឹង​ការអធិស្ឋាន។ នេះគឺ​ជាការ គួរឱ្យកត់​សម្គាល់មួយ ជាពិសេស​ដោយសារ សៀវភៅ​ដំណឹងល្អ នៅកាល​ទាំងនោះ មានតម្លៃថ្លៃច្រើនជាងសព្វថ្ងៃនេះ ហើយសមាជិក​ចេញថ្លៃ​ទាំងអស់។

លទ្ធផលរបស់សៀវភៅដំណឹងល្អទាំងនេះដែលបានចែកនៅប្រទេសជប៉ុនទាំងនោះ លោកអនុសេនីយឯក មីតសូ ហ្វូឆីឌា ជាអ្នកដែលបានដឹកនាំការវាយប្រហារនៅនៅ លើកំពង់ផែភើល (Pearl Hardbor) បានទទួលយកព្រះគ្រីស្ទជាព្រះអង្គសង្គ្រោះ របស់គាត់។ លោកថែមទាំងបានធ្វើការជួយដល់សម័្ពន្ធថែមទៀតផង។ លោកអ្នក​ក៏អាច​ធ្វើ បាន​ផង​ដែរ។ ​សូម​អាន​សេចក្តី លម្អិត​អំពី​ទីបន្ទាល់​ផ្ទាល់ខ្លួន​របស់គាត់ ដែលស្ថិត​នៅ​ក្នុង​សារមន្ទី​សម្បនិម្មិត​របស់​យើង។អត្ថបទ​របស់​ព្រះគម្ពីរ​ក៏បាន​ផ្សព្វផ្សាយ​នៅក្នុង​ប្រទេសកូរ៉េ​ខាងត្បូង​បន្ទាប់ពី សង្គ្រាម​ជនជាតិ​កូរ៉េផង​ដែរ។ លោក Syngman Rhee ដែលជា​ប្រធានាធិបតិយ​នៃ សាធារណ​រដ្ឋកូរ៉េ​បាន​និយាយ​ថា “ការទទួល​ស្គាល់​អំពី​អំណាច​នៃ​ព្រះបន្ទូល​ដ៏រស់​របស់ ព្រះជាម្ចាស់ ដូច​ដែល​ខ្ញុំបាន​ធ្វើនេះ ហើយ​ខ្ញុំពិជា​អន្ទះរង​ចាំការទទួល​ដោយ​ភាពរ​ស្វាគមន៍ ចំពោះ​ផែនការ​របស់​សម្ពន្ធមេត្រី​សញ្ញា​ផកឃីត​ដើម្បីចែក​ចាយ​រាប់លាន​នៃច្បាប់​ចម្លង នៃបទគម្ពីរ​បរិសុទ្ធ​នៅក្នុង​ប្រទេស​របស់យើង”។

លោកប្រធានាធិបតី ឌីវ៉ាយ ឌី. អាយសិនហោវ័រ (Dwight D. Eisenhower) បានយល់​ដឹង​អំពី​សារៈសំខាន់​នៃការផ្សាយ​ព្រះបន្ទូល​របស់ព្រះអង្គ។ លោក​បាន​ថ្លែងថា: “អត្ថន័យខ្ពស់​បំផុត​របស់ព្រះ​គម្ពីរគឺ ... ប្រភព​ដ៏សំខាន់​បំផុត នឹងមិន​អាចខ្វះ​បាន នៃការ​បំផុស​គំនិត​សម្រាប់​ជីវិត​របស់ជន​ជាតិ​អាមេរិក​គឺសេរីភាព”។ លោកបាន​ទ​ទួលស្គាល់​ជាសាធារណៈ​នូវ​កិច្ចខិត​ខំប្រឹង​ប្រែង​របស់​សម្ព័ន្ធនេះ លោកបាន​ប​ន្តទៀត​ថា "សម្ព័ន្ធព្រះ​គម្ពីរ​សញ្ញា​ផុកឃីត និងមនុស្ស​ផ្សេងទៀត​ទាំងអស់ដែល​បាន​ចូលរួម​ក្នុងការផ្តល់​វិភាគ​ទាន​ព្រះគម្ពីរ គឺនេះ​ហើយ​ពិតជា​បានបង្ហាញ​ថាពួគគេបាន​ធ្វើការងារ​ដ៏ថ្លៃថ្នូ​មួយ​សម្រាប់​ពួកគេ"។ អ្នកអាច​អាន​លិខិតទាំង​ស្រុងអំពី​ប្រធានាធិបតី អាយ​សិន​ហោវ័រ ក៏ដូច​ជា​លិខិត​យល់ស្រប​ពីសំណាក់​ប្រធានាធិបតី​ចំនួនបួន​ផ្សេង​ទៀត​នៅក្នុងសារមន្ទី​សម្បនិម្មិតរបស់យើង។.

សង្គ្រាមត្រជាក់ជាច្រើនឆ្នាំនៅ ក្នុងប្រទេសវៀតណាម

នៅក្នុងអំឡុងឆ្នាំ ១៩៥០ នៃគ្រិស្តសករាជ លេខាធិការអន្តរជាតិរបស់សម្ព័ន្ធ មនុស្សម្នាក់ដែលមានឈ្មោះថា លោក ហ្គែន ហ្វាកន័រ (Glenn Wagner) ដែលមួយបានធ្វើដំណើរដើម្បីលើកទឹកចិត្ត ដល់អ្នកដឹកនាំក្នុងការនាំប្រជាជនរបស់ពួកគេ អោយត្រឡប់ទទួលជឿលើព្រះគម្ពីរ។ វតាមរយៈឥទ្ធិពលរបស់លោក គំនិតផ្តួចផ្តើម ជាច្រើនត្រូវបានបង្កើតឡើងនៅជុំវិញពិភពលោក ហើយមានមនុស្សជាច្រើន បានចាប់ផ្តើម មានទំនាក់ទំនងផ្ទាល់ខ្លួនជាមួយព្រះយេស៊ូវគ្រីស្ទ ដោយ អានព្រះបន្ទូលរបស់ព្រះជាម្ចាស់ ។ នៅក្នុងទ្វីបអាហ្រ្វិក តែមួយប៉ុណ្ណោះ មានចំនួនសៀវភៅដំណឹងល្អច្រើនជាងដល់ ប្រមាណ ៥លានក្បាល ត្រូវបានចែកចាយនៅក្នុងមួយចំនួនក្នុងអំឡុងទសវត្សទី ១៩៥០ នៃគ្រិស្តសករាជ ។ នៅក្នុងឆ្នាំ ១៩៦២ ដែលជាកំឡុងពេលនៃសង្គ្រាមត្រជាក់ដ៏ខ្លាំងបំផុត ព័ន្ធកិច្ចឈោងចាប់យុវជនបានបង្កើតគំនិតផ្តួចផ្តើមដើម្បីចែកចាយសៀវភៅ ដំណឹងល្អដល់មនុស្សក្នុងវ័យកណ្តាលនៅក្នុងតំបន់កុម្មុយនិស្ត ដែលមានចំនួនមនុស្ស ១៨,០០០ នាក់មកពី ១៣៧ ប្រទេស។ នៅពេលសង្រ្គាមត្រជាក់បានបញ្ចប់ក្នុងឆ្នាំ ១៩៨៨ សម្ព័ន្ធបានគ្រប់គ្រង ដោយទទួលបាន សៀវភៅដំណឹងល្អលោកយ៉ូហានចំនួន ១០០,០០០ និង ១៥,០០០ ជាព្រះគម្ពីរភាសារុស្ស៊ី ហើយបានបញ្ចូលទៅក្នុងសហភាពសូវៀត។

កម្មវិធីវិទ្យុមួយដែលគេហៅថា "ពត៌មាន​នៅក្នុង​ទំហំ​ផ្សេងគ្នា" មាន​លោក វ៉ិចទ័រ បីធី បាន​ចាក់ផ្សាយ​នៅ​ក្នុងឆ្នាំ ១៩៦៣ បាននាំ​​យកនូវ​ការយល់​ដឹងនៃ​សម្ព័ន្ធ​ទៅ តាម​ស្ថានីយ៍​វិទ្យុចំនួន ២០០ ស្ថានីយ៍ ដោយនាំការ​លឺអំពី​សម្ព័ន្ធនៅក្នុង​​ខេត្តចំនួន ៣៩ និងបណ្តា​ប្រទេស​អន្តរជាតិ​ចំនួន ១៥ ។ រាយការណ៍​ពីពត៌មាន​នៃ “សារៈសំខាន់​ខាង វិញ្ញាណ” លោក បីធី ក៏អាចបង្ហាញពីរបាយ​ការកត់ត្រា​ពី​សកម្មភាព​របស់​សម្ព័ន្ធ។

លោក ប៊ីលី ហ្គ្រាហាំ គឺជាអ្នកផ្តល់​កម្លាំង​ចិត្ត​ដ៏អស្ចារ្យ​របស់​សម្ព័ន្ធ ដោយ​លោក​​បាន​​ផ្ដល់ជា​​មតិយោបល់​ថា "ខ្ញុំបានធ្វើ​​ការងារ​​សម្រេច​​ទាំង​ស្រុងលើ ការងារ​​របស់​សម្ព័ន្ធ​​ព្រះគម្ពីរ​សញ្ញា​ផុកឃីត និងបន្តការ​​អធិស្ឋាន​​សម្រាប់​​គ្រប់​មនុស្ស ជាប់ទំនាក់​ទំនង​ជាមួយ​វា”។

ក្នុងអំឡុង​ពេលសង្គ្រាម​វៀតណាម​ចំនួន​ពីលានកន្លះ​នៃសៀវភៅ​ដំណឹងល្អ​ត្រូវបាន​ចែកចាយ​ជាមួយ​នឹង​កងទ័ព រួមជា​មួយ​និង​ជនជាតិវៀត​ណាម។ សៀវភៅ​ដំណឹងល្អ​ដែល​បាន​បោះពុម្ព​ឡើង​២ឆ្នាំម្តង ត្រូវបាន​ចែកចាយ​ជាមួយ​នឹង​សមាជិក​ទាំងអស់​របស់ សភា​ក្នុងឆ្នាំ ១៩៧៦ ។ ចំនួនរាប់រយ រាប់ពាន់​នាក់​នៃអ្នក​គាំទ្រ​កីឡាអូឡាំពិក ត្រូវបាន​ផ្សព្វផ្សាយ​នៅក្នុង​ចំនួននៃ​ការប្រកួត កីឡាអូឡាំពិក​មួយ។

អ្នកស្រី ហ៊ីលែន ខេតបឺរី អាឡិចសានដឺរ បានទទួល​មរណៈភាព​នៅក្នុង ឆ្នាំ ១៩៦៩ ក៏ប៉ុន្តែសម្ព័ន្ធ ហើយនឹង​មាជិកសម្ព័ន្ធ​នៅតែ​បន្តផ្សព្វផ្សាយ​សៀវភៅ​ដំណឹងល្អ របស់ ព្រះយេស៊ូវ​គ្រីស្ទប្រកប​ដោយ​ភាពរីករាយ។ ការបោះពុម្ព​ចម្លងដែល​មាន​ចំនួន​​​ច្រើន ជាង ១១០លាន​ក្បាល​នៃសៀវភៅ​ដំណឹងល្អ​ត្រូវបានផ្សព្វ​ផ្សាយដោយ​សមាជិក​សម្ព័ន្ធ ចាប់តាំង​ពីការ ចាប់ផ្តើមនៃ​ការផ្លាស់ប្តូរ​ព័ន្ធកិច្ច​ពិភពលោក។ ភាពជា​សមាជិក​ឈរ​យ៉ាងរឹង មាំគឺជា 789,044គ្រីស្ទបរិស័ទ​ដែល​មាន​បំណងចិត្ត​ដូចជា អ្នកស្រី ហេលិន ក្នុងការ​ផ្សព្វផ្សាយ​នូវដំណឹងល្អ​អំពី​ព្រះបន្ទូល​របស់​ព្រះ​ជាម្ចាស់។ ទាំង​អស់​នេះ គឺបាន​កើត​ឡើង​ចេញ​ពីស្ត្រីក្លាហាន​វ័យក្មេង ដែលនាង​មាន​និមិត្តក្នុង​ការនំា ព្រះបន្ទូល របស់​ព្រះជា​ម្ចាស់​ទៅ​ដល់ព្រលឹង​វិញ្ញាណ ដែលកំពុង​បាត់​បង់​ស្ថិតនៅ ជុំវិញ​នាង។ នាង​បាន​និយាយថា “ប្រសិនបើ​មានតែ​យើងអាច​ជំរុញមនុស្ស​អោយអាន សៀវភៅ ដោយ​ខ្លួនឯង នោះជា​ការច្បាស់​ណាស់ថា វានឹងជួយ​នាំពួកគេ​ទៅរក ព្រះយេស៊ូវ​គ្រីស្ទ ដូច្នេះ​ផងដែរ”។

ចុះអ្នកវិញ? តើអ្នកចង់ចូល​រួមជាមួ​យចលនា​ដ៏គួរឱ្យ​រំភើបនេះ ហើយ​បន្ត កេរ្តិ៍តំណែល​បានចាប់ផ្តើម​ដោយអ្នកស្រី ហេលិន ខេតបឺរី អាឡិចសានដឺរ​បាន​ដែរឬទេ? ការ​ចូលរួម​ជា​សមាជិកគឺឥត​បង់ថ្លៃ​នោះទេ។ វាត្រូវការ​ចំណាយ​នោះ គឺគ្រាន់តែ​មានទឹក ចិត្តចែក​ចាយ​អំពីជំនឿ​របស់អ្នក។ យើងធ្វើវា​អោយក្លាយ​ជាការងាយ​ស្រួលដូច​ជាមាន នរណា​ម្នាក់​ផ្តល់អំណោយ​ដោយឥតគិត​ថ្លៃនៅក្នុង​ន័យមិត្តភាព, ការជួបម្នាក់ ទល់នឹង ម្នាក់។ សូមចូលរួម​នៅថ្ងៃនេះ!

• អត្ថប្រយោជន៍របស់សមាជិក
• ចូលរួមជាមួយសម្ព័ន្ធ
• បរិច្ចាកទៅដល់សម្ព័ន្ធ
• ពិនិត្យមើលសារមន្ទីរសិប្បនិមិត